1998年11月20日創刊 倫理•健康•祥和
行政院新聞局登記證局版臺省報字109號
中興日報全球新聞網
式幽默培養風趣放鬆自己會心一笑
遣寂寥減輕壓力注入活力療癒人生
記者 // 楊國顯 特稿
幽默是笑話，因為幽默的內涵較深，比較含蓄，必須經過瞬間的領悟，才能知其奧妙，所以要比笑話來的高超，幽默可以在人的生活中注入歡樂，傳染喜氣，是人生的最佳潤滑劑，讓人遠離壓力，告別幽鬱，生活彌漫情趣，充實活力，提昇向上的動力。
具體一點的說，幽默就是自娛娛人，也就是開自己的玩笑，同時也開別人的玩笑，
讓兩者相互產生共鳴，減少人與人之間不必要的磨擦與紛爭，營造社會的和諧氣
氛，這在目前極端對立，爾虞我詐的社會環境中，絕對是不可或缺，當然也刻不容緩，非常的重要。
幽默的本質，包括有︰詼諧、妙答、自嘲、機智……等方式，市面上有關幽默笑話之書籍，汗牛充棟，俯拾皆是，但仍以國語的版本居多，真正用台語思考，而以台語文寫成，具有本土味的笑話書寥若晨星，之所以如此，當然跟政府推動台語之時程與腳步息息相關，或許這就是我們必須要加快腳步，迎頭趕上的原因所在。 台語的紮根，可以說是千頭萬緒，而紮根的工作，必須要能夠觸類旁通，多元並進，要使其枝延葉茂，笑話的提倡，也是很好的途徑之一，當然這也就是我們共同努力的重點與目標，記者也曾經有所著墨，埋首從 2007 年起先後出版了「台語李仔鹹，台語麻辣鍋、臺語酸辣湯、台語甜不辣、台語笑林廣記、古今笑詼台語講」……等多本這類型的笑話書，全都是用「全漢字」所寫成，除了強化其幽默性之外，亦附加了「譯註與拼音」，同時更特別精選巧妙搭配了「臺灣諺語」，原汁原味，天衣無縫，具有台語的多元性與本土味，對台語的推廣，與促進全民學習台語，相對來講，絕對是更具功能性與意義。
《花言巧言》諺語︰干單欲跋杯，毋甘點一支香。 阿如︰「即擺我的生日，你送予我的那也是人造的花！實在有夠無誠意，敢講我這呢無份量」。 阿強︰「毋是我無誠意，是因為我過去，每一擺若買鮮花欲送妳，妳逐擺都攏予我一直等……一直等……，等甲我買的花，攏去予焦焦去，所以，我想想冽，抑是送人造花予妳，比較較穩當，請妳千萬毋通來誤會」。
【臺譯】☉即擺（tsit4 painn2）︰這一次。☉那會（nann3 e7）︰怎麼會。☉敢講（kam2 kong2）︰難道。☉這呢（tsiah4 ninn3）︰這麼。☉逐擺（tak8 painn2）︰每次。☉焦焦去（ta1 ta1 khi3）︰乾枯了。☉毋通（m7 thang1）︰不要。《阮尪無忠》諺語；烏狗偷食，欲予白狗坐數。
一个查某人，有一工氣勃勃衝入律師事務所，欲揣律師。 查某人︰「律師先生，我已經忍袂牢矣，決定欲佮阮尪來 離婚！請你幫我辦手續！」 律師︰「妳欲佮恁尪離婚，是啥咪戴誌這呢嚴重」？ 查某人︰「伊對我無忠，因為伊毋是阮囝
的老爸！」 【臺譯】☉查某人（tsa1 boo2 lang5）︰婦人。☉氣勃勃（khi3 phut4 phut4）︰氣呼。☉揣（tshue7）︰找。☉忍袂牢（jim2 be7 tiau5）︰受不了。☉恁尪（lin2 ang1）︰妳先生。☉戴誌（tai7 tsi3）︰事情。☉毋是（m7 si7）︰不是。 《赫呢歹揣》諺語︰臭人敖彎話，青明心頭醒。 一工阿爸佇房間的眠床跤揣物件，揣甲心狂火熱，伊的查某囝佇邊仔，無若久阿母行過來看著，問伊講︰「恁阿爸是咧揣啥咪冽？」 「阿爸假若是咧揣妳呢」！阿母講︰「伊無佮你講，你卡會知影伊咧揣我」？查某囝︰「我聽伊喙裡一直安呢唸︰「恁娘冽！赫呢
歹揣！」 【臺譯】☉心狂火熱（sim1 kong5 hue2 jiat8）︰心急如焚。☉查某囝（tsa1 boo2 kiann2）︰女兒。☉咧揣（te2 tshue7）︰在找。☉啥咪（siann1 mi2）︰什麼。☉假若（ka2 nann2）︰好像。☉恁娘冽（lin2 liann5 le3）︰他媽的。☉赫呢歹揣（hiah4 ninn3 phainn2 tshue7）︰這麼難找。《毋是禍首》諺語；心肝掠無在，神魂散了了。 有一工咧上歷史課，講著古早秦漢時代的歷史，老師就問一个當咧盹龜的學生講︰「你敢知影，上介有名的阿房宮，是予啥咪人放火燒掉的」？ 這位學生睏甲真甜，雄雄精神過來，聽老師安呢問，驚一恌，害叫老師欲來誣賴伊，就馬上應講︰「毋是我燒的，絕對毋是我燒的，我無燒！」
【臺譯】☉有一工（u7 tsit8 kang1）︰有一天。☉知影（tsai1 iann2）︰知道☉啥咪（siann1 mi2）︰什麼。☉雄雄（hiong5 hiong5）︰猛然。☉精神（tsing1 sin5）︰清醒。☉驚一趒（kiann1 tsit8 tio5）︰嚇一跳。☉害叫（hai7 kio3）︰以為。
《大人有責》諺語》；差豬教狗，也就家己。 搬入新厝，阿母就佇客廳貼一張紙條仔，寫講︰「保持整潔，人人有責」，希望全家大，攏來遵守。隔工，阿弘仔放學轉來，看到就提出異議，攑筆佮伊改作︰「保持整潔，大人有責」。 阿爸下班看著，擱愈不服，嘛攑筆佮改，變成︰「保持整潔，太太有責」，阿母看一下，氣一甲險險就來昏去。 【臺譯】☉入新厝（jip8 sin1 tshu3）︰喬遷。☉隔工（keh4 kang1）︰翌日。☉轉來（tng2 lai5）︰回家。☉攑筆（giah8 pit4）︰提筆。☉愈不服（ju2 put8 hok8）︰不服氣。☉嘛佮（ma7 kah8）︰也將。☉險險來昏去（hiam2 hiam2 hun7 khi3）︰差點就昏倒。 《價格大差》諺語；閹雞趁鳳飛。 有一擺學校上自然課，老師講著「物質三體」的時，看著台跤阿勇仔當咧盹龜，就提出一個問題來問伊。 「水若變冰，上大的變化是啥咪」？ 阿勇仔雄雄精神，就趕緊徛起來，回答講︰「這毋較簡單，水變冰了後，上大的變化就
是『起價』」！。 【臺譯】☉有一擺（u7 jit8 painn2）︰有一次。☉三體（sam1 the2）︰即固、液、氣體。☉盹龜（tuh4 ku1）︰打瞌睡。☉安呢（an1 nenn1）︰這樣。☉雄雄（hiong7 hiong5）︰突然。☉精神（tsing1 sin5）︰驚醒。☉毋較（m7 kha8）︰還不。 《你無騙我》諺語；刺鞋合伊个跤。 阿文仔佮伊，年輕的女同事講︰「我這个人，上介無愛看查某囡仔咧施賴，磕袂著就愛講『真的嗎？你無佮我騙』？實在有夠無聊」！ 「毋過若是拄著即種查某囝仔，我一定會佮
伊唚一下」！ 女同事聽了有夠歡喜，就講︰「真的嗎？你無佮我騙」！
【臺譯】☉佮伊（kah4 i7）︰跟他。☉無愛（bo5 ai3）︰不喜歡。☉施呢（sai1 nainn1）︰撒嬌。☉磕袂著（khap4 be7 tioh8）︰動不動。☉毋過（m7 ku2）︰不過。☉拄著（tu2 tioh8）︰碰到。☉唚一下（tsim1 tsit8 e5）︰親一下。 《罵著家己》諺語；掠話頭，斬話尾。 兩个囡仔兄，感情好甲無話講，不時都攏黏
作伙。 有一工，阿兄予阿母罵，心情足鬱卒，小弟毋知死活，共款渡佇彼綴懸綴低，伊活欲煩死，就罵小弟是「跟屁虫」。 小弟聽著阿兄安呢罵伊，就足替伊的阿兄不平，伊講︰「阿兄！我予你罵虫，是應該的！毋過你罵你家己是屁，完全是無道理的」！ 【臺譯】☉黏作伙（liam5 tso3 hue2）︰在一起。☉鬱卒（ut4 tsut4）︰齷齪。☉共款（kang7 khuan2）︰一樣。☉綴（tue3）︰跟。☉安呢（an1 nenn1）︰這樣。☉予你（hoo7 li2）︰讓你。☉毋過（m7 ku2）︰不過。 《熊貓雄貓》諺語；毋免講，用跤頭趺想嘛知。 歇睏日佇動物園裡，遊客真濟，有一个囝仔兄，看著一隻熊貓，非常古錐，伊愈看愈愜意。 伊就問動物園个服務人員講︰「阿姨！妳看這隻熊貓有夠古錐，毋知伊是公个，抑是母的」？
服務人員就佮伊講︰「你既然知影伊是『雄貓』，那會毋知伊是公个，抑是母的」！
【臺譯】☉歇睏日（hioh4 khun3 jit8）︰休假日。☉真濟（tsin1 tse7）︰很多。☉古錐（koo2 tsui1）︰可愛。☉愜意（kah4 i3）︰喜歡。☉毋知（m7 tsai1）︰不知道。☉公个（kang1 e1）︰雄的。☉母的（bo2 e3）︰雌的。 《到外面玩》諺語；天差咧彼地。 阿峰有夠活骨，普通時仔佇厝裡，無一時惦，定定都惹伊阿母來受氣。 有一擺，阿母欲出國去，娶伊去坐飛龍機，阿峰感覺足心適，佇飛龍機頂，就佇內底走來走去，無一時定著。 阿母看著，就安怎講都攏講袂聽，就非常受氣︰「佇飛龍機頂，袂使烏白耍，你若欲耍，就去外口耍」！
【臺譯】☉活骨（uah8 kut4）︰好動。☉惦（tiam7）︰恬靜。☉定定（tiann7 tiann7）︰
常常。☉心適（sim1 sik4）︰趣味。☉定著（tiann7 tioh8）︰安靜。☉安怎講（an1 tsuann2 kong2）︰怎麼說。☉欲耍（be4 sng2）︰要玩。 《兩套標準》諺語；一喙掛雙舌。有一工，厝外傳來有人大聲佇彼喊講︰「是啥咪人，將物件四界烏白擲」，原來是隔壁个阿嬸，因為家己無細膩，佇厝內面撞著物件，咧使聖地。
隔幾工，共款擱聽著有人咧喊︰「行路毋免看路，敢講無生目睭予你」！原來也是隔壁的阿嬸，因為有人無細膩，撞著厝內面的物件，咧使聖地。【臺譯】☉物件（mih8 kiann7）︰東西。☉烏白擲（oo1 peh8 tan3）︰亂丟。☉無細膩（bo5 se3 ji7）︰不小心。☉使聖地（sai2 sing3 te7）︰發脾氣。☉共款（kang7 khuan2）︰
一樣。☉敢講（kam2 kong2）︰難道。☉目 《有夠散赤》諺語；囡仔屎放袂了。
今年，才拄仔五歲的阿英仔，有一工，無張持安呢問伊个阿母︰「隔壁的陳阿伯，絪兜毋是足散呢」？ 阿母聽著阿英仔安呢問，感覺足奇怪，就佮伊回答講︰「袂呀！陳阿伯絪兜足有錢，介好額呀」！ 「若無，一擺我看著絪兜的阿弟仔，干單吞一个五元个銀角仔，全家个人，都攏緊張甲欲死去」！
【臺譯】☉無張持（bo5 tiunn1 ti5）︰突然。☉足散（tsiok4 san3）︰很窮。☉絪兜（in1 tau1）︰他家。☉好額（ho2 gia2）︰富有。☉若無（nann2 bo5）︰要不然。☉干單（kan1 tann1）︰只有。☉銀角仔（gin5 kak4 a2）︰銅板。
《醉言醉語》諺語；酒醉心頭定。 老江足愛啉酒，時常都啉甲醉茫茫，當然嘛
發生真濟笑詼的代誌。 有一擺，伊參加朋友的喜宴，啉甲醉醉，駛車欲轉去，佇路裡予交通警察甲伊截落來。 警察甲講：「啉酒駛車，會被罰，你敢毋知
影？」 「這我當然知影呀！欲罰，隨在你，看欲罰幾杯？三杯、抑是五杯，攏無要緊」！ 臺譯】☉啉酒（lim1 tsiu2）︰喝酒。☉醉茫茫（tsui3 bang5 bang5）︰醉醺醺。☉笑詼（tshio3 khue1）︰好笑。☉代誌（tai7 tsi3）︰事情。☉轉去（tng2 khi3）︰回家。☉截落來（tsah4 loh8 lai5）︰攔下來。☉知影（tsai1 iann2）︰知道。 《牛郎難當》諺語；話內有話仁。 阿偉仔自軍中退伍，已經咧欲十冬矣，這擺無張無持，接著教召令，第一擺去做「應召男」。 軍中訓練的生活，有夠硬斗，伊歸个人予操甲有夠功夫，好佳再，一禮拜真緊就過去，結訓倒轉來，同事攏佮伊恭喜，嘛擱問伊有啥咪感想？ 阿偉仔應講：「實在食攏袂消，『牛郎』真歹做」！
【臺譯】☉咧欲（teh4 beh8）︰快就。☉無張持（bo5 tiunn1 ti5）︰突然。☉應召男（ing3 tiau3 nam5）︰役男。☉硬斗（ngenn7 tau2）︰辛苦。☉ 好佳再（ho2 ka1 tsai3）︰幸虧。☉啥咪（siann2 minn2）︰什麼。☉牛郎（gu5 long5）︰牛郎。
《判斷失靈》諺語；神仙拍鼓有時錯。 欲往後山的蘇花公路，風景真媠，毋過若遇到風颱，定定會發生危險，為著欲掌握安全，一个導遊去請教一个當地的老輩，因為伊對氣象足有經驗，判斷非常正確。 有一擺，伊擱去佮請教，老輩紲佮講：「即擺我無法度來預測」！導遊就問伊講︰「是因為啥咪冽？」老輩就對褲袋仔內提出一台隨身聽︰「因為即个物件，去予歹去矣」！ 【臺譯】☉後山（au7 suann1）︰西部。☉毋過（m7 ku2）︰不過。☉定定（tiann7 tiann7）︰常常。☉攏會去（long2 e7 khi3）︰都會去。☉紲（sua3）︰竟然。☉對（ui3）︰
從。☉物件（mih8 kia7）︰東西。 《高潮迭起》諺語；直人講直話。
現代少年的語言，毋但有創意，而且千奇百怪，有真濟話，已經攏已經融入咱个的生活中。 佇學校教國文課的張老師，對這種現實相當瞭解，有一工上課，伊提目前社會當咧流行的「波霸」即句話，予同學來解釋，台跤有人講是︰「浪濤洶湧」。 另外嘛有人，擱較趣味，竟然答講是︰「高潮迭起」。 【臺譯】☉安呢（an1 nenn1）︰這樣。☉少年人（siau2 nian5 lang5）︰年輕人。☉毋但（m7 tann3）︰不但。☉真濟（tsin1 tse7）︰很多。☉咱个（lan2 e5）︰我們的。一工（tsit8 kang1）︰一天。☉波霸（pho1 pa3）︰豐胸。☉台跤（tai5 kha1）︰台下。 《豬狗不如》諺語；圓仔花毋知歹，大紅花歹毋知。
吳先生，問伊的牽手講︰「為啥咪妳若出門，攏會帶咱兜一隻花狗仔作伙去，是毋是，欲利用伊來突顯你的美麗呢」？ 牽手回答講︰「我感覺伊介古錐，所以攏會將伊帶佇身軀邊，如果是像你講的安呢，欲突顯我的美麗，我不如帶你出去，效果一定會擱較好」！ 【臺譯】☉牽手（khan1 tshiu2）︰太太。☉作伙（tso3 hue2）︰在一起。☉是毋是（si7 m7 si7）︰是不是。☉突顯（thut8 hian2）︰襯托。☉古錐（ko2 tsui1）︰可愛。☉較好（khah4 ho2）︰更好。 《為人設想》諺語；天公疼戇人。 一个拳頭選手是信佛教，每一擺若欲參加比賽，攏會去廟裡拜媽祖，有人問伊︰「你拜媽祖，攏會下啥咪願呢」？伊講︰「我攏會祈求媽祖保庇，予比賽的人攏會平安，嘜有人來受傷」！「抑你那會無求，媽祖保庇你
拍贏嗎」？ 伊安呢應講︰「如果我欲若求伊予我拍贏，抑對手若共款去祈求予伊拍贏，安呢會予媽祖，左右為難，真歹作人」！ 【臺譯】☉拳手（kun5 tshiu2）︰拳擊手。☉每一擺（muai2 tsit8 painn2）︰每次。☉下願（he7 guan7）︰許願。☉嘜有（mai3 u7）︰不要有。☉抑（ah8）︰可是。☉保庇（po2 pi3）︰保佑。☉共款（kang7 khua2）︰同樣。 《雙手萬能》諺語；歹囝囡仔厚賴頭。
阿鵬仔，佇學校定予老師處罰，有一工伊擱犯規，老師叫伊上台，當時因為伊的手驚人，驚老師看著，就將正手藏佇囊袋仔，才上台去。 伊就伸正手予老師看，老師影一下，就講︰「驚死人，你若會當擱揣一隻，比這隻較驚人的手，我就原諒你」！阿鵬仔一下聽，就趕緊伸出伊左手講︰「老師！你看，遮有一隻」。
【臺譯】☉犯規（huan7 kui1）︰做錯。☉驚人（kiann1 lang5）︰骯髒。☉囊袋仔（lak4 te7 a2）︰口袋。☉正手（tsiann3 tshiu2）︰右手。☉擱揣（koh4 tshue7）︰再找。☉左手（to3 tshiu2）︰左手。☉遮有（tsia1 u7）︰這裡有。 《自露馬腳》諺語；欲飼浪子，毋飼戇子。 有一對爸仔囝，去別人的果子園，偷挽果子，阿爸跁上樹仔頂，叫小朋友佇樹仔跤作看頭。 這个時陣，拄仔果子園的主人來巡園，看著小朋友，就罵伊講︰「囝仔人好的毋學，學做賊，我欲去佮恁阿爸講」！
小朋友聽著主人安呢講，就攑頭大聲叫講︰「阿爸！你緊落來，遮有人講欲佮你講話」！
【臺譯】☉爸仔囝（pe7 a2 kiann2）︰父子。☉偷挽（thau1 ban2）︰偷摘。跁上（peh2 tsiunn7）︰爬上。☉看頭（khuann3 thau5）︰把風。☉拄仔（tu2 a2）︰剛好。☉攑頭（giah8 thau5）︰抬頭。☉遮有（tsia1 u7）︰這裡有。
《何罪之有》諺語；講著蛇著紲。
陳太太欲送先生，坐火車去台北，佇月台頂，當車起動，伊拽手大聲向車頂的先生喝講：「土城仔！再見」！ 邊仔个人聽著「土城！再見」！攏感覺足奇
怪，就佮伊問講︰「太太，恁尪是犯什麼罪，你卡會欲送伊去（土城）看守所，予人關冽」？
伊應講：「無啊，伊那有犯啥咪罪！恁誤會！土城是阮尪的名呀」！
【臺譯】☉欲送（beh4 sang3）︰送行。☉拽手（iap8 tshiu2）︰揮手。☉邊仔（pinn1 a1）︰旁邊。☉奇怪（ku5 kuai3）︰疑惑☉恁翁（lin2 ang1）︰妳先生。☉卡會（khah8 e7）︰怎麼會。☉予人關（hoo5 lang5 kuai1）︰入監。
《久練有成》諺語；台頂一分鐘，台跤十年功。 阿強仔，雙跤跪佇阿美仔的面頭前，欲佮伊求婚，毋過阿美仔足冷淡，無啥欲插伊！佮伊講︰「你跪佇我的面頭前欲創啥咪？你以前佇別个查某囝仔个面頭前，毋是已經跪過幾仔遍仔，敢講欲擱來騙我」！ 阿強仔佮應講：「彼嘛攏是為著你呀！我若無練習赫濟擺，無定著，即馬我嘛抑擱袂曉通跪」！
【臺譯】☉冷淡（ling2 tam7）︰冷漠。☉插伊（tshap4 i3）︰理他。☉創啥（tshong3 siann2 ）︰作什麼。☉幾仔遍（kui2 a3 pian3）︰好幾次。☉敢講（kam2 kong2）︰
難道。☉無定著（bo5 tiann7 tio8）︰說不定。☉即馬（tsit4 mann2）︰現在。
《廢話連篇》諺語；有講較輸無講。 這禮拜，阿榮仔綴阿母去踅百貨公司，人客實在有夠濟，親像蚼蟻共款，鬧熱滾滾。 阿榮仔歡喜甲四界拋拋走，走甲無看人，阿母是無閒咧看伊欲買的物件，驚伊紡見，就一再佮伊交待。 伊講︰「阿榮，萬一你若迷路，千萬愛會記即，轉來遮揣我，知影無」！
【臺譯】☉禮拜（le2 pai3）︰星期日。☉綴（tue3）︰跟。☉踅（seh8）︰逛。☉蚼蟻（kau2 hia7）︰螞蟻。☉拋拋走（pha1 pha1 tsau2）︰到處跑。☉紡見（phang3 kinn3）︰不見。☉會記即（e7 ki3 tsit4）︰記得。 《不可理喻》諺語；查某人番。 阿明仔佮阿秀仔，到陣已經足濟年，到今攏無想欲結婚，原因是，阿秀仔認為阿明仔無介可靠。 有一工，阿明仔勇敢佮阿秀仔表白：「請妳相信我好無」？阿秀仔講：「你欲叫我相信你啥咪冽」！
阿明仔就講：「坦白講，我已經將真情攏獻予妳呀」！阿秀仔就倒問伊︰「抑你是將假情，獻予啥咪人冽」！ 【臺譯】☉到陣（tau3 tin7）︰相處。☉足
濟（tsiok8 tse7）︰很多。☉到今（kau3 tann1）︰一直。☉無介（bo5 kai3）︰不太。☉表白（piau2 pik8）︰坦陳。☉欲（be4）︰要。☉啥咪（siann2 mi2）︰什麼。 《保證袂輸》諺語；未想贏，愛先想輸。 一台欲開去筊間的公車，載有足濟想欲去拼輸贏的賭客。 當車開到目的地，司機將車門拍開，人客攏準備欲落車，司機無張持大聲宣布：「欲博茭，我有一个撇步，保領恁大家今旦日攏袂
輸錢」！有人就佮伊問：「你有啥咪撇步，這呢好用，敢會使講來聽看嘜」！ 司機就講：「恁這馬嘛攏嘜落車，予我送恁轉去，保證絕對有效」！ 【臺譯】☉筊間（kiau2 king1）︰賭場。☉落車（loh8 tshia1）︰下車。☉無張持（bo5 tiu1 ti5）︰突然。☉博筊（puah8 kiau2）︰賭博。☉撇步（phiat4 poo7）︰妙計。☉保領（po2 liann2）︰保證。☉這呢（tsiah4 ninn7）︰這麼。 《同病相憐》諺語》；第一戇做皇帝，第二戇做老爸。
兩个大學生的老爸，有一工相拄，講著囝仔讀大學的代誌，互相佇彼叫苦。 其中一个的老爸講：「阮囝若寄批轉來，我就一粒頭兩粒大，查字典查甲死來昏去」。
「安呢你的運氣，抑擱是袂歹冽」！另外一个的老爸就講：「我每一擺若接到阮囝个批，就四界去借錢借袂離」。 【臺譯】☉相拄（sio1 tu2）︰相遇。☉代誌
（tai7 tsi3）︰事情。☉叫苦（kio3 khoo2）︰訴苦。☉批（phue1）︰信。☉轉來（tng2 lai5）︰回來。☉抑擱（iah4 ko2）︰還是。☉袂離（be7 li7）︰來不及。
《別想不開》諺語；人驚人，鬼驚鬼。 阿水師，是一个拳頭師父，專門咧替病人治療復健，伊平常時仔，嘛足重視家己的身體，為著欲強身，每一工攏會做一種「挵壁」的運動。 有一擺，伊出外去蹛佇旅社隔暝，照常佇房間裡做伊的「挵壁」運動，服務生聽著房間內傳來「砰…砰…砰…」的聲音，驚一趒，就趕緊拍開伊房間个門︰「先生，你著愛保重，千萬毋通看袂開」！ 【臺譯】☉拳頭師父（kun5 thau5 sai1 hu7）︰武術師。☉咧佮（teh4 kah4）︰幫人。☉嘛
足（ma3 tsiok4）︰也很。☉家己（ka1 ti7）︰自己。☉攏會（long2 e7）︰都會。☉挵壁（long3piah4）︰撞牆。☉驚一趒（kiann1 tsit8 tio5）︰嚇一跳。
《成全大我》諺語；虎毒毋食囝。 「人類介友善的朋友是啥咪人」？有ㄧ工，
阿爸安呢問阿偉仔，阿偉仔想想冽佮伊應講：「是鱷魚公」。 阿爸就講：「為啥咪是伊」？阿偉仔講：「因為鱷魚母生歸萬粒的卵，有九千九百九十九粒，攏去予鱷魚公食掉去」，阿爸講：「這佮咱有啥咪關係」？ 阿偉仔︰「若無安呢，世界上四界若攏是鱷魚，毋是會驚死人嗎」！ 【臺譯】☉介（kai3）︰最。☉想想冽（siunn7 siunn7 le3）︰想一想。☉為啥咪（ui7 siann2 mi2）︰為什麼。☉卵（lng7）︰蛋。☉攏去予（long2 khi3 hoo7）︰都被。☉若無（la3 bo5）︰要不是。☉四界（si3 ke3）︰到處。 《烏龜班長》諺語；喝聲無出力。 佇軍中的新兵訓練，有ㄧ擺部隊咧欲集合，阿呆仔拄好掠著一隻龜仔囝，伊就將伊藏佇褲袋仔裡，班長佇彼喝立正，逐个攏徛好好，佇褲袋仔裡彼隻龜仔囝，紲咧振動，阿
呆嘛綴伊振動，班長發現，就講：「阿呆，徛予好，安怎烏白動」？ 阿呆仔一下聽，緊張甲皮皮掣，就講︰「報……報……報告龜仔囝，我掠著一隻……………」！
【臺譯】☉拄好（tu2 ho2）︰剛好。☉掠著（liah8 tioh8）︰抓到。☉龜（ku1）︰烏龜。☉彼隻（hit4 tsiah4）︰那隻。☉綴（tue3）︰跟。☉安怎（an1 tsua2）︰為什麼。☉皮皮掣（phi5 phi5 tshuah4）︰發抖。 《即席表演》諺語；王祿仔喙，糊銳銳。 視台欲招考一个臨時演員，報名的人爆滿，競爭非常激烈，大學戲劇系正科畢業的阿榮仔，嘛去報名應徵。 考試人員問伊︰「毋知你捌演過啥咪」？伊講︰「 佇 學校 公 演 時， 我 捌擔 任 過主角……」！考試人員擱問︰「安呢真好！現在你就現場來演看嘜冽」！ 阿榮仔講好，馬上就行出去門口，對一堆當咧等候面試的人講︰「這馬，恁攏會使轉去矣，我已經被錄取矣」！ 【臺譯】☉爆滿（pok8 buan2）︰客滿。☉捌（bat4）︰曾經。☉演看嘜（ian2 khuann3
mai7）︰演演看。☉隨時（sui5 si5）︰立刻。☉對（ui3）︰從。
☉恁（nin2）︰你們。☉會使轉去（e7 sai2 tng2 khi3）︰可以回去了。
《醋桶真大》諺語；雞卵裡揣骨頭。 阿勇仔佮阿月兩个已經結婚八冬矣，尪仔某感情真好，人人都攏足欣羨。 一工，尪仔某閒閒咧話仙，阿勇仔喙挵喙，
就佮太太講︰「你敢知影，一冬三百六十五工，我無一工是無愛妳」！阿月聽了就講︰「這我絕對相信！毋過我懷疑的是，八冬中間有兩個閏日，毋知加出來彼二工，你是愛啥咪人」？ 【臺譯】☉八冬（peh4 tang1）︰八年。☉
尪仔某（ang1 a2 boo2）︰夫妻。☉欣羨（him1 sian7）︰羨慕。☉話仙（ue7 sian1）︰聊天。☉喙挵喙（tshui3 lang7 tshui3）︰脫口出。☉兩閏（lng7 jun7）︰兩個閏年。☉咧愛（teh4 ai3）︰在愛。
《毋知年老》諺語》；無日毋知晝，無鬚毋知老。 有一个考古的團隊，伊的隊員攏是資深的學者佮專家，年紀真大，有一工逐家作伙到陣食飯話唬濫。其中有一个比較較資深的隊員，就發表伊的感想佮意見，伊講︰「一生選擇作即種考古
的工課，實在有夠甘苦，嘛足無聊，毋過，伊有一个最大的好處，就是會予家己毋知老，有年輕的感覺」！ 【臺譯】☉逐家（tak8 ke1）︰大家。☉到陣（tau3 tin7）︰在一起。☉話唬濫（ue7 hoo2 lan2）︰扯皮。☉工課（khang1 khue3）︰工作。☉甘苦（kan1 khoo2）︰辛苦。☉無聊（bo5 liau5）︰寂寞。☉毋過（m7 ku2）︰過。 《饑不則食》諺語；楝仔楝，楝著一个賣攏眼。
佇公車頂裡，坐兩个年紀已經袂小，猶未結婚的小姐，因為車頂干單有一个中年的查甫人，就攏無禁忌，大聲講出心裡話。 其中一个小姐講：「我今年已經咧欲四十矣，擱過一冬，若擱揣無好的對象，就就欲來，凊採嫁嫁就好矣」！
想袂到車頂彼个中年的查甫人，聽著，一聲馬上就行過去，佮伊講：「小姐！這是我的電話，到時陣，若無棄嫌，歡迎你佮我聯絡」！【臺譯】☉袂小（be7 sio2）︰不年輕。☉猶未（iah4 bue7）︰還沒。☉咧欲（teh4 bueh8）︰快到。☉凊採（tshin3 tshai2）︰隨便。☉想袂到（siunn7 be7 kau3）︰沒想到。☉彼个（hit4 e5）︰那個。☉查甫人（tsa1 poo1 lang5）︰男人。 《最後辦法》諺語；死馬當作活馬醫。
一个黑道的首領，去予法院判死刑，伊請律師辯護無效，律師安慰伊，擱替伊上訴高院，也維持原判。
首領非常的緊張，律師就擱替伊上訴最高法院，嘛共款被駁回，律師擱替伊上書最高元首，也無成功，咧欲行刑時，伊就哀求律師，一定愛擱替伊想一個辦法，律師請伊放心，講︰「到時，你會使盡量將你的尻川，嘜去接觸著電椅，安呢就袂有代誌」！ 【臺譯】☉黑道（oo1 to7）︰黑幫。☉首領（siu2 ling2）︰幫首。☉予（hoo7）︰被。☉嘛（ma3）︰也。☉擱替（koh4 the3）︰再為。☉尻川（kha1 tshng1）︰屁股。☉電椅（tian7 i2）︰刑椅。 《勢不兩立》諺語；毋是你死，就是我亡。 阿義仔，佮伊大學拄仔畢業的孝生意見袂合，代溝誠嚴重，定定觸喙，予阿義仔足傷腦筋。
有一工，阿義仔憂頭結面，佮伊个朋友訴苦，伊講︰「想袂到，我辛辛苦苦甲伊栽培到大學畢業的孝生，竟然來離家出走去」，紲落來伊就擱講︰「毋過，安呢也好，若無，離家出走的顛倒是我」！ 【臺譯】☉佮（kah8）︰和。☉拄仔（tu2 a2）︰剛剛。☉孝生（hau7 se1）︰兒子。☉觸喙（tak4 tshui3）︰口角。☉憂頭結面（iu1 thau5 kat4 bin7）︰煩悶。☉想袂到（siunn7 be7 kau3）︰沒想到。☉ 紲落（sua3 loh8）︰下來。 《想開眼界》諺語；別人个囡仔死袂了。
一个愛搞怪的飛行員，樂暢一暝，醒起來發現歸身軀攏包沙布，倒佇眠床，伊問朋友是發生啥咪代誌。 朋友佮伊講；「昨暝你啉甲醉茫茫，走去三樓，講欲予逐家見識你飛天的本領，講煞了後，一聲就跳落去。 「恁佇邊仔，卡會攏無佮我阻擋」，飛行員真受氣大聲問。朋友就講；「因為阮逐家攏想欲見識一下，你飛天个『功夫』呀」！ 【臺譯】☉搞怪（kau2 kuai3）︰胡鬧。樂暢（lok8 thiong3）︰狂歡。☉歸身軀（kui1 sing1 khu1）︰全身。☉啉（lim1）︰喝。☉醉茫茫（tsui3 bong5 bong5）︰醉醺醺。☉講煞（kong2 suah4）︰講完。☉一聲（tsit8 siann1）︰二話不說。 《結婚結果》諺語》；無是苦，有是惱。 一擺，阿弟仔無代無誌問阿爸講︰「為啥咪結婚的查甫人，攏稱呼伊的牽手是『另外一半』冽」！
「因為查甫人若一旦結婚，權威就干單存一半，另外一半就愛交予牽手，所以逐家攏慣習安呢叫」，阿爸安呢講。 阿弟仔︰「若照你安呢講，結婚兩擺的查甫
人，毋就啥咪攏空空」？ 【臺譯】☉無代無誌（bo5 tai7 bo5 tsi3）︰無緣無故。☉查甫人（tsa1 poo1 lang5）︰男人。☉牽手（khan1 tshiu2）︰太太。☉干單
（kan1 tann1）︰只有。☉慣習（kuan3 si3）︰習慣。☉若是（nann3 si7）︰如果是。☉空
空（khang1 khang1）︰一無所有。 《料事如神》諺語；有喙講別人，無喙講家
己。
有一工暗頓食飽，阿母佮阿姊留佇灶跤，收拾碗盤，阿爸佮阿弟仔閒閒無代誌，就作伙佇客廳看電視。 忽然間，對灶跤傳來摃破碗的聲音，過無外久，阿弟仔就佮阿爸講；「是阿母摃破碗」，阿爸就顛倒問伊講︰「你那會確定是阿母摃
破的」，阿弟仔講：「道理非常簡單，如果若是阿姊來摃破，阿母一定會大聲佮罵」！
【臺譯】☉暗頓（am3 tng3）︰晚餐。☉灶跤（tsau3 kha1）︰廚房。☉無代誌（bo5 tai7 tsi3）︰沒事。☉無張持（bo5 tiunn1 ti5）︰忽然。☉摃破（kong3 phua3）︰打破。☉無外久（bo5 gua7 ku2）︰未多久。☉倒問（to2 bng7）︰反問。
《虛情假意》諺語；六月芥菜假有心。 母親節彼一工，歸家伙食了暗頓了後，阿母佇灶跤無閒咧洗碗，阿英仔行過來佮伊講：「阿母仔，今仔日是母親節，妳會使好好歇睏，免擱洗碗」！ 阿母，聽著阿英仔安呢講，想講有這呢捌代
誌的囝仔，心裡感覺非常的安慰。 想袂到，阿英仔繼續擱講：「這的碗，會使
留咧明仔載才作伙洗」！ 【臺譯】☉歸家（kui1 ke1）︰全家。☉無閒（bo5 ing5）︰忙。☉今仔日（kin1 a2 jit8）︰今天。☉歇睏（hioh4 khun3）︰休息。☉這
呢（tsiah4 ninn3）︰這麼。☉捌代誌（bat4 tai3 tsi3）︰懂事。☉序小（si7 se3）︰小輩。 《措手不及》諺語；九彎十八斡。 上班時同事發現著阿雄仔，手骨有貼藥布，身軀有受傷！ 坐佇隔壁的阿忠，足關心，就問伊是安怎？伊講：「昨晚，我佮阮某吵喙，阮某將我个衫褲對二樓擲落去」？ 阿忠感覺足奇怪就問伊︰「將衫褲擲落去，你人那會受傷」？ 「因為彼个時陣，我一時間，紲袂赴通脫衫
褲，歸个人就攏作伙去予伊擲落樓跤，所以才會來受傷」！ 【臺譯】☉身軀（sin1 khu1）︰身體。☉坐佇（tse7 ti3）︰坐在。☉擲落（tan3 loh8）︰丟下。☉那會（nann2 e7）︰怎麼會。☉彼个（hit4 e5）︰那個。☉袂赴（be7 hu3）︰
來不及。☉歸个人（kui1 e5 lang5）︰整個 《最後機會》諺語；歹甲火車無愛予伊坐。
一个查甫佮一个查某，交往真久，有一工，這個查甫个向查某个求婚，查某个並無來同意，佮伊拒絕！ 佇咧欲分手个時，查某个就安慰查甫个講：「毋免失望，雖然我無欲嫁予你！毋過，你一定會揣著一个比我較好的查某囡仔，我佮
你加油」！ 查甫囝仔就佮伊講；「連你都毋嫁予我」，你看，擱有啥咪人會欲嫁予我冽」！ 【臺譯】☉查甫（tsa1 poo1）︰男生。☉查某（tsa1 boo2）︰女生。☉咧欲（teh4 beh8）︰就要。☉失望（sit4 bong7）︰喪氣。☉揣著（tshue7 tioh8）︰找到。☉都毋（to1 m7）︰都不。☉擱有（koh4 u7）︰又有。 《債務結束》諺語；前手接錢後手空。 阿永仔買一台汽車，辦分期付款，最近半年因為收入較少，開支增加，無按時去繳錢，汽車公司幾仔擺催繳攏無效。 有一工，阿永仔下班轉來，絪某就當面佮伊講︰「你敢知影，以後咱就毋免擱納分期付款矣」！阿永仔感覺奇怪，就問講：「為啥咪！那有嚇呢好康的代誌」？
「因為汽車公司有寄批來，講這是最後一擺的通知」！ 【臺譯】☉幾仔擺（kui2 a7 pai2）︰好幾次。☉轉來（tng2 lai5）︰回來。☉知影（tsai1 iann2）︰知道。☉毋免（m7 bian2）︰不必。☉擱納（koh4 lap8）︰再繳。☉嚇呢（hiann2
ninn3）︰那麼。☉批（phue1）︰信件。 《講內行話》諺語；內行人講內行話。
阿龍仔的阿伯，少年个時足風流，有一擺，阿龍仔就去請教伊講：「阿伯，如果我若是交著女朋友，對伊講，伊是我第一个愛著的查某囡仔，伊敢會相信」！
阿伯是風流慣串个內行人，就坦白安呢佮伊回答：「這愛看情形，如果你交到彼个女朋友，伊拄著第一个講白賊話的是你，伊就會相信」
【臺譯】☉風流（hong1 liu5）︰花心。☉若是（nann3 si7）︰如果是。☉慣串（kuan3 tshuan3）︰熟稔。☉內行人（lai7 hang5 lang5）︰行家。☉安呢（an1 nenn1）︰這樣。☉彼个（hit4 e5）︰那個。☉拄著（tu2 tioh4）︰碰到。
《遵照使用》諺語；三八假賢慧，豬哥假聖賢。 阿文仔佮阿爸、阿母一擺去風景區佚佗，行到半路跤酸喙焦，就停落來，佇一台自動販賣機前買飲料。 伊揣著一種有顆粒个飲料，將銀角仔落落去，提著飲料詳細看，無張無持開始佇彼搖
尻川花，然後才拍開來啉。 阿母看著伊个動作，就罵講︰「有夠三八」，阿文仔就講︰「罐仔頂有寫「欲用進前愛搖一下，我安呢做敢有毋著」！ 【臺譯】☉佚佗（tshit4 tho5）︰遊玩。☉喙焦（tshui3 ta1）︰口渴。☉落落去（lok8 loh8
khi3）︰投下去。☉啉（lim1）︰喝。☉三八（sam1 pat4）︰不正經。☉敢有（kam2
u7）︰那有。☉毋著（m7 tioh8）︰錯了。
《沒有必要》諺語；枵鬼假細膩。 阿霖仔真久就熟識阿君仔，兩人感情好甲無
話講，是一對標準的情侶！ 有一工兩个作伙，阿霖仔心跳甲真厲害，伊問阿君仔講︰「我若唚妳，妳敢會喝救命」？
「我為啥咪欲喝救命」？阿君仔無啥瞭解，就佮回答講︰「敢講你有需要叫人來佮你鬥跤手嗎」？ 【臺譯】☉好甲（ho2 kah8）︰好的不得了。☉無話講（boo5 ue7 kong2）︰沒話說。☉作伙（tso3 hue2）︰在一起。☉唚妳（tsim1 li2）︰吻妳。☉喝（huah4）︰喊叫。☉敢講（kang2 kong2）︰難道。☉鬥跤手（yau3
kha1 tshiu2）︰幫忙。 《有樣學樣》諺語；有樣趁樣，無樣家己想。
阿貞是老師，伊學過囡仔的心理學，知影安怎問囡仔！
「阿安！你愛食啥咪菓子？是梨仔抑是蘋果」？「你欲先做佗一項工課？是洗身軀抑是彈鋼琴」？親像這種問題，想袂到伊的囝才四歲，也學起來。
有一擺去百貨公司，囝安呢問伊︰「阿母！你欲買啥咪佚佗物仔予我？是飛龍機，抑是戰車」？ 【臺譯】☉菝仔（puat4 a2）︰番石榴。☉抑是（ah8 si7）︰還是。☉佗一項（too2 tsit8 kang7）︰那一件。☉身軀（sing1 khu1）︰身體。☉想袂到（siunn7 be7 kau3）︰想不到。☉一擺（tsit8 painn2）︰有一次。☉欲買（beh4 be2）︰要買。
《習慣就好》諺語；慣勢成自然。 過即個月阿東就已經三十歲，事業無介順
利，有一擺伊佇夜市仔，就去相命擔仔，予人相命。
相命仙佮伊个面，伊个手攏看看冽，佮講：「你三十歲以前是勞碌命！這是天註定」？阿東就講︰「擱過幾工仔，我就足三十歲，毋知我過三十歲以後，會安怎」？
相命仙就佮伊講：「這無問題！過三十歲以後，你就慣勢矣」
【臺譯】☉即個月（tsit4 koh4 gueh8）︰這個月。☉無介（bo5 kai3）︰不很。☉予人（hoo7 lang5）︰讓人。☉擱過（koh4 kue3）︰再過。☉足（tsiok4）︰滿。☉會安怎（e7 an1 tsuann2）︰會如何。☉慣勢（kuan3 si3）︰習慣。
《左右為難》諺語；食遮也癢，食彼嘛癢。 學校歇熱進前，阿慧仔提著成績單，成績有夠歹看，下課了後，阿母去接伊，順路娶伊作伙去踅街，擱無惜代價，替伊買一領媠衫，阿慧仔心裡歡喜甲。 欲轉來个時佇車頂，阿慧仔紲一个頭兩粒
大，問阿母講︰「到厝了後，咱是欲先提佗一種予阿爸看」？ 「是即領媠衫，抑是即張袂看即个成績？ 【臺譯】☉歇熱（hioh4 juah8）︰暑假。娶伊（tshua7 i7）︰帶她。☉踅街（seh8 ke1）︰逛街。☉擱（koh8）︰又。☉轉來（tng2 lai5）︰
回來。☉紲（sua3）︰卻。☉ 抑是（ah4 si7）︰還是。 《趕著回家》諺語；痟狗撞墓壙。
阿永仔是一个酒鬼，逐工都啉甲醉茫茫，一擺伊開車來超速，佇路裡去予交通警察佮伊遮落來 。 「老兄！你敢知影，你已經是超速矣？」交通警察安呢問伊，阿永仔講伊知影。 交通警察講：「既然知影，那會擱欲違規超」？ 「因為我想欲趕佇出代誌進前，趕到厝」阿永仔答。 【臺譯】☉逐工（tak8 kang1）︰每天☉醉茫茫（tsui3 bong5 bong5）︰醉醺醺。☉遮落來（tsah8 loh4 lai5）︰攔下。☉敢知影（kam2 tsai1 iann2）︰知道嗎。☉那會（nann2 e7）
怎麼會。☉趕佇（kuann2 ti7）︰趕在。☉代誌（tai7 tsi3）︰事情。
《多加一口》諺語；ㄧ丈差九尺。
阿義仔冊讀無懸，毋過事業作甲真成功，因為伊作人熱心，一寡機關，攏聘請伊擔任「顧問」。
伊就將「顧問」印佇伊的名片，一擺 印刷所排版，將「顧問」排成「顧門」，伊發現就趕緊提醒老闆，叫伊愛擱加一个「口」字才對，老闆就照伊講个改正，毋過交貨了後，阿義仔一看竟然是「顧門口」三字，險險就來昏去。【臺譯】☉無懸（bo5 kuan5）︰不高。☉一寡（tsit8 kua2）︰一些。☉一擺（tsit8 painn2）︰一次。☉趕緊（kuann2 kin2）︰趕快。☉叫伊（kio3 i7）︰要他。☉毋過（m7
ku2）︰不過。☉險險（hiam2 hiam2）︰差點。
《名列前矛》諺語；食屎毋知臭。 阿母，接到佇大學讀冊的大漢後生阿凱的電
話，講即擺學校考試的成績已經公布出來。 阿母聽著心裡十个五个，就足緊張問伊講︰「成績到底是好抑是歹？毋知是有及格無」？
「佮過去攏共款呀」！阿凱佮阿母講︰「毋過我佇所有無及格的名單當中，已經進步到第一名」。 【臺譯】☉讀冊（thak8 tshe4）︰讀書。☉後生（hau7 se1）︰兒子。☉即擺（tsit8 painn2）︰這次。☉十个五个（tsap8 e5 goo7 e5）︰七上八下。☉好抑歹（ho2 ah8 bai2）︰好還是壞。☉佮（kah8）︰跟。☉共款（kang7
khuan2）︰一樣。 《如夢初醒》諺語；毋知影民國幾年。 阿松仔去踅百貨公司，看到一台倒椅真好勢，非常愜意，就坐落來咧欲試坐看嘜冽。 當伊將後靠佮跤架，調整好勢了後，一聲就倒落去，擱將目睭瞌瞌，惦惦仔享受伊一時的清爽。
等到伊咧欲入眠个時，無張持聽著美妙的聲音︰「請問先生！毋知是佇啥咪時陣，佮妳叫醒，較拄好」！ 【臺譯】☉踅（seh8）︰逛。☉倒椅（to2 i2）︰躺椅。☉愜意（kah4 i3）︰中意。☉後靠（au7 kho3）︰靠背。☉目睭（bak8 tsiu1）︰眼睛。☉瞌瞌（kheh8 kheh8）︰閉著。☉惦惦（tiann7 tiann7）︰靜靜。
《脫口而出》諺語；關門就閂，講話就看。 查某囝佮查甫朋友通電話，有時仔攏會講袂煞，這个時陣上介愛偷聽的，是伊个老母。為啥咪作人老母个，卡會愛暗中去偷聽，是因為伊對查某囝个關心，所以並毋是啥咪大礙。
上介驚的是，當伊聽甲入神个時，無張持會去佮人插話，無自主的答講：「是呀…！安呢好…，應該个…，這我贊成……」！ 【臺譯】☉查某囝（tsa1 boo2 kiann2）︰女兒。☉講袂煞（kong2 be7 suah4）︰講不完。☉上介愛（siong7 kai3 ai3）︰最喜歡。☉大礙（tai7 gai7）︰大不了。☉上介驚（siong7 kai3 kiann1）︰最怕的。☉入神（jip8 sin5）︰忘我。☉無張持（bo5 tiunn1 ti5）︰突然。
《吃糖過多》諺語；枉曲觀音媽偷食蝦仔鮭。
自從政府推行台語以來，雙語佇社會已經相當个流行，毋過，雙語濫雜的結果，紲造成真濟的笑話出來。 一擺病院的門診，醫生佮病人講：「你的糖尿病，是因為你食『糖』（國語發音）過濟，以後愛盡量避免」！ 病人將『糖』聽做是『蟲』（台語發音），就甲醫生講：「食『蟲』傷過濟？我從來嘛毋捌食呀」！ 【臺譯】☉雙語（siang1 gi2）︰國台語。☉佇（ti7）︰在。☉濫雜（lam7 tsap8）︰混
合。☉紲（sua3）︰竟然。☉真濟（tsin1 tse7）︰很多。☉過濟（kue3 tse7）︰太多。☉糖（thng5）︰蔗糖。 《不必那個》諺語；講話頭，知話尾。
阿全仔喙水生做無介好，講話有一點仔重句，經常將「彼囉…彼囉」掛佇喙裡。
無偌久前，一个好朋友結婚，伊紲袂記送紅包，感覺有夠歹勢，有一工見面，伊就佮伊个朋友賠會講：「你彼一日彼囉，我袂記彼囉，實在真正彼囉」！
朋友嘛共款有重句的毛病，就講：「彼囉已經彼囉，你就毋免擱彼囉，你若擱彼囉，我就更加擱彼囉」！ 【臺譯】☉喙水（tshui3 sui2）︰口才。☉重句（ting5 ku3）︰口吃。☉彼囉（hit4 lo3）︰那個。☉無偌久（bo5 gua7 ku2）︰沒多久。
☉袂記（be7 ki3）︰忘記了。☉歹勢（phainn2 se3）︰不好意思。☉賠會（pue2 hue7）︰解釋致歉。 《我不知道》諺語；無影無跡，講甲對同對同。
政府採取開放的教育政策，大學愈設愈濟，毋過，學生的素質並無來提高，紲愈來愈差。 一擺學校開學，教授問拄仔入學个新生講︰「啥人知影？大學生上介常講的一句話，是啥咪」？
台跤有人就大聲應講！「我毋知影」！ 「好厲害，答案完全正確」教授一聽歡喜甲跳起來！ 【臺譯】☉愈設愈濟（ju2 siat4 ju2 tse7）︰越開越多。☉毋過（m7 ku2）︰不過。☉紲（sua3）︰竟然。☉拄仔（tu2 a2）︰才剛剛。☉上介（siong7 kai3）︰最最。☉啥咪（siann2 minn2）︰什麼。☉毋知影（m7 tsai1 iann2）︰
不知道。《有點矛盾》諺語；設仙搬猴齊天。 阿忠真愛阿美仔，定想欲揣機會佮伊講話，毋過，見面擱毋知影欲講啥貨較好。有一工，伊已經忍攏袂稠，就提出最大的勇氣，將電話攑起來，直接拍予阿美仔。 「喂……阿美！我是阿忠，因為我袂記妳个電話，所以拍電話過來問一下……並無啥咪重要个代誌」！
【臺譯】☉定想欲（tiann7 siunn7 be4）︰常想要。☉揣（tshue7）︰找。☉毋知影（m7 tsai1 iann2）︰不知道。☉啥貨（siann1 hue3）︰什麼。☉忍袂稠（jim2 be7 tiau5）︰忍不住。☉袂記（be7 ki3）︰忘記。☉代誌（tai7 tsi3）︰事情。
《已經長大》諺語；講蛇著紲，草索丈外。 學年結束了後，就開始歇熱，假期內阿華仔的所費增加，有一工伊對阿爸討錢︰「阿爸，予我五百元」！
阿爸佮伊講︰「阿華仔，後學期開始，就欲讀國中矣，你即馬已經毋是應該吵欲討五百元的年紀」！ 「喔！我了解」！阿華仔理直氣壯，就佮阿爸講︰「阿爸，安呢你就予我一千元好仔」！ 【臺譯】☉歇熱（hioh4 juah8）︰暑假。☉
所費（soo2 hui3）︰費用。☉即馬（tsit4 ma2）︰現在。☉毋是（m7 si7）︰不是。☉年紀（ninn5 ki2）︰年齡。☉了解（liau2 kai2）︰知道。☉安呢（an1 nenn1）︰這樣。 《長話短說》諺語；線短袂拍結，話短袂相
殺。 現代的社會，時間就是金錢，啥咪代誌攏講求快速，簡化，連寫字嘛是共款！ 阿偉佇大學讀冊，有一工伊寫批轉來厝裡，批頂只有短短幾字︰「阿爸︰愛錢，阿偉」！ 阿爸看了就足無歡喜，佮伊回一張擱較短个批，伊安呢寫︰「阿偉︰無錢！阿爸」！ 【臺譯】☉代誌（tai7 tsi3）︰事情。☉攏（long2）︰都。☉共款（kang7 khuan2）︰一樣。☉寫批（sia2 phue1）︰寫信。☉轉來（tng2 lai5）︰回來。☉足無歡喜（tsiok4 bo5 huann1 hi2）︰很不高興。☉安呢寫（an1
nenn1 sia2）︰這樣寫。 《爸爸聰明》諺語；是糟料到，毋是煮食敖。
行路愛靠正爿，這是法律的規定，這是一般交通的常識。有一擺，阿英仔坐阿爸的車，對山頂欲開落來山跤，伊發現車是倚佇山壁，抑對面來的車是靠佇山坎。
伊就佮阿爸講︰「阿爸你實在有夠巧，知影靠山這爿行較安全，對方彼个阿伯，頭殼歹去，行佇山坎邊，是毋是足危險冽」！ 【臺譯】☉正爿（tsian3 ping5）︰右邊。☉一般（it4 puann1）︰普遍。☉對（ui3）︰從。☉倚（ua2）︰依靠。☉山坎（suann1 kham3）︰懸崖。☉ 巧（khiau2）︰聰明。☉這爿（tsit8 ping5）︰這邊。 《不是問題》諺語；枵鬼假細膩。 一間大學的查某學生宿舍，窗仔布經常攏是開開，外口看現現，附近的住民，就寫批佮校長反應。 校長回批佮絪講︰「伊一定會要求學生，佇洗身軀換衫褲个時，會記將窗仔布放落來」！
伊擱講︰「如果逐家若感覺袂慣勢，嘛會使將恁兜家己門窗的窗仔布放落來」！
【臺譯】☉查某（tsa1 boo2）︰女生。☉窗仔布（thang1 a2 poo3）︰窗簾。☉看現現（khuann3 hian7 hian7）︰看清楚。☉回批（hue5 phue1）︰回信。
☉放落來（pang3 loh8 lai5）︰放下。☉擱講（ko2 kong2）︰又說。☉慣勢（koan3 si3）︰慣。 《信仰堅定》諺語；走火入魔。 阿婷仔佮阿國仔交往真久，準備咧欲結婚，毋過，阿母講，阿國仔毋是佛教徒，就反對無同意。
過無偌久，阿母問起這件代誌？阿婷仔應講︰「我有鼓勵伊去皈依」！阿母聽著就佮伊講︰「安呢恁就會使準備結婚矣」。 想袂到阿婷仔，紲傷心甲目屎流目屎滴，伊講︰「阿母呀，傷慢矣，阿國仔伊因為信了過頭，現在已經出家去作和尚矣」！ 【臺譯】☉真久（tsin1 ku2）︰很久。☉毋過（m7 ku2）︰不過。☉毋是（m7 si7）︰不是。☉無偌久（bo5 gua7 ku2）︰沒多久。☉皈依（kui1 i1）︰剃度。☉想袂到（siunn7 be7 kau3）︰想不到。☉目屎滴（bak8 sai2 ti7）︰流眼淚。 《沒有司機》諺語；講彼無字的。 阿嬤報名參加旅行團去旅遊，順紲娶阿孫仔作伙去。 坐佇雙層巴士的頂面層，阿孫坐攏袂牢，也無管安全是毋是有問題，四界烏白走。 阿嬤安怎佮講，都攏講袂聽，氣甲活活欲死去，最後無辦法，就大聲佮喝，講︰「嘜擱烏白亂走，你毋看著頂面層無司機咧駛，有偌危險你敢知」！ 【臺譯】☉旅遊（lu2 iu5）︰遊覽。☉順紲（sun7 sua3）︰順便。☉作伙（tso3 hue2）︰一起。☉袂牢（be7 tiau5）︰坐不住。☉四界（si3 ke3）︰到處。☉烏白走（oo1 peh8 tsau2）︰亂跑。☉嘜擱（mai3 koh8）︰別再。
《因噎廢食》諺語；空手戽蝦。
減少塑膠袋的使用，是政府的政策，這个環保的觀念，自從大力提倡以來，已經受到民眾的普遍認同。 有一工阿昆仔，去踅夜市仔，佇土跤擔仔，罟著二尾金魚，老板欲用塑膠袋佮伊袋咧，欲予伊捾轉去。 阿昆仔就佮老板講︰「毋免，我袋咧橐袋就好，嘜擱浪費塑膠袋，老師講安呢比較較環保」！ 【臺譯】☉認同（jim7 tong5）︰接受。☉踅（seh8）︰逛。☉土跤（too5 kha1）︰地
面。☉擔仔（tann3 a2）︰攤位。☉捾轉去（kuann7 tng2 khi3）︰提去。☉毋免（m7 bian2）︰不用。☉橐袋（lak4 te7）︰口袋。 《狗有人性》諺語；狗屎嘛是寶。 有一戶人家，每一工透早起床，攏會發現門跤口有足濟的狗屎，非常的反感！ 想攏無辦法佮阻止，姑不將主人就寫一張紅條仔，貼踮門跤口，頂面講︰「親愛个狗兄弟，你敢知影，恁个無衛生，予人真討厭明仔再請嘜擱來，好無」？隔工，主人竟然發現門跤口，清氣噹噹！ 【臺譯】☉門跤口（bng5 kha1 khau2）︰門口。☉反感（huan2 kam2）︰厭惡。☉姑不將（koo1 put8 tsiong1）︰不得已。☉貼踮（tah4 tiam3）︰貼在。 ☉明仔再（bing5 a2 tsai3）︰明天。☉嘜擱來
（mainn3 koh4 lai5）︰別再來。☉清氣噹噹（tshing1 khi3 tang1 tang1）︰乾乾淨淨。 《減肥結果》諺語；喙舌一粒珠，講話毋認輸。
阿母个身材足瘦抽，有足濟無穿過个媠衫，伊就佮伊修改，提予伊身材較胖，當咧減肥的查某囡穿。 查某囡，干單知影阿母的衫無足大領，毋知
影衫已經改過，就講︰「即領衫傷過闊，我袂穿即啦」
毋過，當伊試穿了後，發現擱真合軀，有夠讚，就佮阿母講︰「阿母你看，這就是我減肥的結果」！ 【臺譯】☉瘦抽（san2 thiu1）︰苗條。☉足濟（tsiok4 tse7）︰很多。☉當咧（tng1 te2）︰正在。☉干單（kan1 tann1）︰只有。☉傷過闊（siunn1 kue3 khuah4）︰太寬鬆。☉毋過（m7 ku2）︰不過。☉合軀（hah8 su1）︰
合身。 《有眼無珠》諺語；目睭糊著蚶仔肉。 有一个查某囡仔，叫作阿妙仔，因為生做真歹，人攏叫伊阿歹仔，有一擺伊雄雄狂狂，走去派出所報案，伊講︰「警官，有一个查甫人，佇後壁咧跟蹤我，伊一定是啉酒醉矣」！
警官佮伊看看冽，就講︰「哼！是伊啉酒醉？我看，是伊目睭糊著蚶仔肉才對！」
【臺譯】☉查某囡（tsa1 boo2 gin2）︰女孩子。☉真歹（ttsin1 bai2）︰很醜。☉雄雄狂狂（hiong5 hiong5 kong5 kong5）︰緊張。☉查甫人（tsa1 poo1）︰男人。☉啉酒醉（lim1 tsiu2 tsui3）︰喝醉。☉目睭（bak8 tsiu1）︰眼睛。☉蚶仔（kam1 a2）︰蛤蜊。 《同中有異》諺語；公講公理，婆講婆理 有兩間，攏是咧生產電腦个科技公司，為了拍開市場，分別派專人去到一个足落後的國
家考察。 考察了轉來，兩个專員，攏分別向伊的公司提出考察結果的報告。
甲公司的專員講︰「遮个人無人會曉用電腦」！ 毋過乙公司的專員講︰「遮个人攏無電腦通用」！
【臺譯】☉拍開（phah4 khui1）︰拓展。☉足落後（tsiok4 lok8 au7）︰未開發。☉轉來（tng2 lai5）︰回來。☉攏（long2）︰都。☉遮（tsia1）︰這裡。☉會曉（e7 hiau2）︰懂得。☉通用（thang1 iong7）︰可用。
《勾起回憶》諺語；一朝予蛇咬，終生怕井繩。 新兵營的生活，真歹過，作過兵的人，嘛攏有受過磨練的慘疼經驗！ 一个陸戰隊出身个學校教官，一工起床悶悶不樂，一點精神都攏無，伊的牽手問伊是發生啥咪代誌？
伊講︰「我昨暝作一个惡夢，夢著我是役男，後個月愛入伍去作兵」，噯呀，毋知欲安怎較好？
【臺譯】☉歹過（phainn2 kue3）︰難熬。☉牽手（khan1 tshiu2）︰太太。☉啥咪（siann1 mi2）︰什麼。☉代誌（tai7 tsi3）︰事情。☉昨暝（tsa1 me5）︰昨夜。☉作兵（tso3 ping1）︰當兵。☉毋知（m7 tsai1）︰不知到。
《慢慢的等》諺語；詛咒予別人死。 阿麗仔，對序大人真有孝，提錢替阿爸納一件五千萬的意外險，法定个受益人寫伊家己。 自安呢開始，伊就不時鼓勵伊阿爸，有時間盡量出去走走冽，運動運動，嘜不時都蹛佇厝裡。
伊阿爸普普仔知影查某囡心裡咧想啥，就笑笑仔佮伊講︰「我袂嚇呢緊就來走，妳慢慢仔等」！ 【臺譯】☉序大人（si7 tua7 lang5）︰長輩。☉自安呢（tsu3 an1 nenn1）︰就這樣。☉蹛佇（tua3 ti3）︰呆在。☉普普仔（phoo2 phoo2
a3）︰約略。 ☉咧想啥（teh4 siunn7 sann2）︰想什麼。☉嚇呢緊（hiah4 ninn3 kin2）︰這麼快。☉我袂（gua7 be7）︰我不會。 《解鈴繫鈴》諺語；解鈴抑是解鈴人。
選舉个時，候選人攏會發表政見佮理念，推銷伊家己予選民有一个參加公職个候選人，佇政見發表會中發表政見，當伊講甲喙角全泡个時，發現台跤一個聽眾咧盹龜！ 候選人就隨時停止伊的演講，拜託台跤觀眾个牽手將伊搖予醒，觀眾个牽手安呢佮答講︰「是因為你，伊才會睏去，你應該愛負責佮伊叫醒才對呀」。
【臺譯】☉理念（li2 liam7）︰抱負。☉喙角全泡（tshui3 kak4 tsuan5 phoh8）︰沫橫飛。☉啄龜（tok4 ku1）︰打盹。☉台跤（tai5 kha1）︰台下。☉牽手（khan1 tshiu2）︰太太。☉安呢（an1 ne2）︰這樣。☉睏去（khun3 khi3）︰睡去。
《琴聲混淆》諺語；有聽聲無看影。 糞圾車，每一工攏會來收糞圾，糞圾車欲來的時，嘛攏會放出美妙的音樂聲，來提醒民眾倒糞圾。 阿森仔蹛佇一棟大樓，有一工食飽暗頓，傳來美妙的音樂聲，阿母就叫阿森仔，趕緊提
糞圾去倒。 當阿森仔提糞圾欲去樓跤倒，四界攏揣無糞圾車，原來發現是樓頂个人，咧彈「少女的祈禱」。 【臺譯】☉嘛攏（ma3 long2）︰也都。☉蹛
佇（tua3 ti3）︰住在。☉暗頓（an3 tng3）︰晚餐。☉趕緊（kuann2 kin2）︰趕快。☉樓跤（lau5 kha1）︰樓下。☉四界（si3 ke3）︰四處。☉揣無（tsue7 boo5）︰找不到。 《一時失手》諺語；無奈何，硞米蘿。
一个賊仔，予警察掠去派出所，問口供做筆錄。 警察問伊講︰「人好好坐佇車站个椅仔咧睏，你卡會無代無誌，伸手去人个橐袋裡」？
這个賊仔應講︰「因為我佇路裡咧行个時，無張持頭暈目暗，趕快用手欲去扶椅仔，一下無細膩，紲去插入彼个人的落袋裡，實在真歹勢」！
【臺譯】☉賊仔（tshat8 a2）︰竊盜。☉掠去（liah8 khi3）︰逮到。☉睏（khun3）︰
睡。☉無代無誌（bo5 tai7 bo5 tsi3）︰無緣無故。☉落袋（lak4 te7）︰口袋。☉無張持（bo5 tiunn1 ti5）︰突然。☉無細膩（bo5 se3 ji7）︰不小心。
《誰是波霸》諺語；偷夯古井也著認。 天氣一下熱，市面上冷水店的生理特別好起。 一擺，阿滿仔去一間泡沫紅茶店，指定欲買一杯「波霸奶茶」，因為現場人客真濟，伊就踮佇邊仔等。 等一大睏，一个查甫店員將「波霸奶茶」裝
好，因為毋知影是佗一个人客个？就大聲喝講：「啥咪人…是波霸」？害阿滿仔當場歹勢甲面仔紅絳絳」！ 【臺譯】☉生理（sing1 li2）︰生意。☉一
間（tsit8 king1）︰一家。☉濟（tse7）︰多。
☉踮（tiam3）︰在。☉一睏（tsit8 khun3）︰一段時間。☉歹勢（phai2 se3）︰難為情。☉紅絳絳（ang5 kong3 kong3）︰紅通通。
《都是健忘》諺語；一个半斤，一个半兩。
兩个老朋友，足久無作伙，有一擺見面，兩个互相來講起，對方的健康情形。
甲講：「實在有夠害，年紀愈大記持愈歹，定定都將早起時仔攑出去的雨傘，袂記攑轉來」。
乙講：「我嘛佮你共款，足無記持，毋過，我是早起無攑雨傘出去，暗時擱攏袂記即攑別人个雨傘轉來」。 【臺譯】☉足久（tsiok4 ku2）︰很久。☉作
伙（tso3 hue2）︰在一起。☉有夠害（u7 kau3 hai7）︰真糟糕。☉記持（ki3 ti5）︰記憶力。☉定定（tiann7 tiann7）︰常常。☉攑（giah8）︰拿。☉袂記（be7 ki3）︰忘記。 《滿足慾望》諺語；相命無褒，食水都無。 阿琪仔大學已經欲畢業，為著將來的出路，就去揣算命仙算命。 算命仙佮伊看看冽，講︰「你有一个非常美好的前途，將來嘛一定有一个介真幸福个歸宿」。
阿琪仔：「我會記即，你嘛是佮我的同學，安呢講」。 算命仙就答講︰「這是真正不得已个代誌，
我若無安呢講，敢有法度予恁遮大學生滿足嗎」 【臺譯】☉揣（tshue7）︰找。☉佮伊（kah8 i7）︰對她講。☉歸宿（kui1 siok4）︰婆家。☉會記即（e7 ki3 tsit7）︰還記得。☉算命仙（sng3 biann7 sian1）︰相命師。☉若無（nann3 bo5）︰如果沒有。☉安呢（an1 ne1）︰這樣。 《無妄之災》諺語；承著拳頭屁。
阿雄仔暗時仔咧睏，有陷眠的習慣，毋過，伊家己一點仔都攏毋知影。
有一工，早起睏醒，伊看著絪某一面抹藥仔，一面咧哀痛，就足關心問伊講︰「到底是發生啥咪代誌」！ 絪某抑好氣抑好笑，就用一點仔責備个口氣
佮伊講︰「敢擱問，陷眠也咧拍人，實在有夠惡質」！
【臺譯】☉暗時（am3 si5）︰晚上。☉咧睏（teh4 khun3）︰在睡覺。☉陷眠（ham7
bing5）︰作夢。☉睏醒（khun3 tshenn2）︰睡醒。☉抹藥（buah4 ioh8）︰擦藥。☉哀痛（ai1 thiann3）︰喊痛。☉惡質（ok4 tsit4）︰可惡。
《大小得宜》諺語；喙舌無骨，反入反出。 阿明仔徛佇一欉懸大个棗仔樹跤，咧批評上帝創造萬物無合情理，伊就怨講︰「大欉樹仔生細粒棗仔，大粒西瓜紲生佇細條瓜藤，是毋是顛倒頭生」。 毋過，當伊个話拄仔講煞，無張持樹仔頂一
粒棗仔，落佇伊个頭殼頂，害伊來驚一趒，伊隨時轉話講︰「棗仔愛生細粒，西瓜應該大粒」，上帝實在有夠巧。 【臺譯】☉徛佇（khia7 ti3）︰站在。☉一
欉（tsit8 tsang5）︰一棵。☉懸大（kuan5 tua7）︰高大。☉生佇（senn1 ti7）︰生在。☉顛倒頭生（tian1 to3 thau5 se1）︰反其道。☉拄仔（tu2 a2）︰剛好。☉驚一趒（kiann1 tsit8 tio5）︰嚇一跳。
61